27-fevraldan 1-martga qadar poytaxtimizning "O'zekspomarkaz" pavilionlarida o'z ekspozitsiyasini namoyish etuvchi “Qurilish – UzBuild 2024” xalqaro ko‘rgazmasi o'z ishini boshladi. 

Mazkur ko‘rgazma ishlab chiqaruvchilar va mutaxassislarga uskuna, texnologiya va materiallar sohasidagi so‘nggi yutuqlarni samarali namoyish etish va ular bilan tanishish imkoniyatini beradi. Ko‘rgazma doirasida qurilish, ko‘chmas mulk va investitsiyalar bo‘yicha ekspertlar hamda mutaxassislardan iborat rasmiy delegatsiyalarning tashrifi, xalqaro miqyosdagi konferensiya va uchrashuvlar, yangi loyihalarning taqdimotlari tashkil etish nazarda tutilgan.

Ta’kidlash lozim, chorak asrlik muvaffaqiyat va samarali hamkorlik sarhisobi sifatida bu yilgi ko'rgazma soha vakillari va uning ishtirokchilari uchun alohida ahamiyat kasb etadi. Ko'rgazmaning butun o'tkazilishi davomida 45 mamlakatdan jami 3 503 ta kompaniya ishtirok etgan, tashrif buyuruvchilar soni esa 160 239 taga yetgan.