Kitob tumani maktablarida ham "So`nggi qo`ng`iroq" tadbirlari keng nishonlandi
2025-05-24 09:00:00 / Yangiliklar
Bugun mamlakatimiz barcha hududlari singari bizning Kitob tumanimizdagi barcha umumta'lim maktablarida "So‘nggi qo‘ng‘iroq" tadbirlari o‘zgacha shukuhda boshlandi. Xususan, O`zbekiston Respublikasi Prezident ta`lim muassasalari agentligi tizmidagi Kitob tumani Ixtisoslashtirilgan maktab-internatida ham xuddi shunday yuqori saviyadagi tadbir tashkil etildi. Unda tuman hokimi Rustam Gafurov ham ishtrok etib, Prezidentimizning bitiruvchi o`g`il-qizlarga yo`llagan tabrigini o`qib eshittirdi va katta hayot ostonasiga ilk qadam qo`yayotgan mazkur ta`lim maskanining birinchi "qaldirg`ochlari"ni bugungi bayram bilan qutladi. Tadbir davomida Respublika hamda mahalliy tanlovlarda g`oliblikni qo`lga kiritgan o`quvchi va o`qituvchilarga tuman hokimligining tashakkurnomalari tantanali ravishda topshirildi.
➡️Quvonarli jihati, shu yili mazkur ta`lim maskanini jami 81 nafar bitiruvchilar tamomlayotgan bo`lsa, ulardan 65 nafari xalqaro hamda milliy sertifikatlarni qoʻlga kiritishdi.
✔️Ma`lumot o`rnida, joriy yilda Kitob tumanining mavjud 97 ta umumta`lim maktablari 11-sinfini 3414 nafar o`quvchilar bitirishib, ular orasida 261 nafar bitiruvchilarimiz muddatdan oldin oliy ta’lim muassasalari talabasi bo‘lishgan.