Qoraqalpog'iston Respublikasi Kegeyli tumani hokimligi

Kegeyli tumani hokimligi majlislar zalida sessiya ochildi. Sessiyada tuman Kengashi deputatlari, fuqarolar yig‘ini raislari, muassasa, korxona rahbarlari va ommaviy axborot vositalari vakillari ishtirok etdi.

Sessiya majlisi kun tartibida;

- Kegeyli tumanida amalga oshiriladigan 2-bosqich "drayver" loyihalar bo‘yicha takliflarni ko‘rib chiqish va ma’qullash haqida.

- Tuman hokimligida qonunchilik hujjatlari bo‘yicha ijro intizomini ta’minlash choralari to‘g‘risida.

- Tashabbusli byudjet jarayonining 2025 yilgi ikkinchi ovoz berish yakuni bilan "g‘olib" deb topilgan loyihalarni tasdiqlash to‘g‘risida.

- Kegeyli tumani hududida "Yashil bog‘lar" tashkil etish to‘g‘risida.

- O‘zbekiston Respublikasi Prezidentining PQ-133-sonli qarorining tumanda bajarilishi to‘g‘risidagi, shuningdek, Kengash vakolatiga kiradigan boshqa masalalar ko‘rib chiqilib fikr-takliflar tinglanib, tegishli qarorlar qabul qilindi.