Kegeylida yangi o‘quv yilida - yangi maktab foydalanishga topshirildi
2025-09-02 10:10:00 / Yangiliklar
Bugun Kegeyli tumani G‘ujum terak mahallasida 2025-2026-o‘quv yili boshlanishi bilan birga yangi qurilgan zamonaviy 29-sonli maktab binosi ham foydalanishga topshirildi.
13 milliard 500 million so‘m mablag‘ evaziga bunyod etilgan, 330 o‘ringa mo‘ljallangan ushbu ta’lim maskanida o‘quvchilar uchun barcha sharoitlar yaratildi.
Ochilish marosimida tuman hokimi A. Kamalov ishtirok etib, barchani yangi o‘quv yili va yangi maktabning ochilishi bilan tabrikladi. 1-sinfga qadam qo‘ygan bolalarga Prezident sovg‘alari tantanali ravishda topshirildi va birinchi qo‘ng‘iroq sadolari ostida o‘quv yili boshlandi.
️Yangi maktab binosi - yoshlarimiz uchun bilim, ma’rifat va kelajakka ishonch bilan qadam qo‘yish maydoniga aylanishi shubhasiz.
️Bugungi kun nafaqat yangi o‘quv yilining boshlanishi, balki barcha vatandoshlarimiz uchun bayram, quvonch va umid kuni bo‘ldi.