Kegeyli tumani Ichki ishlar bo‘limi boshlig‘i M.R.Sherimbetovning aholiga murojaati
2026-02-06 20:45:00 / Yangiliklar
Assalomu aleykum, hurmatli tuman aholisi!
Muhtaram Prezidentimizning tashabbuslari va bevosita rahbarligida barcha sohalarda keng ko‘lamli islohotlar amalga oshirilmoqda.
Prezidentimiz ana shu yangilanish, o‘zgarishlarning samarali bo‘lishi kafolati sifatida mamlakatda tinchlik va osoyishtalikni ta’minlash, buning uchun jinoyatchilikka qarshi kurashish tizimini tubdan yaxshilashni davlat siyosatining eng ustuvor yo‘nalishlaridan biri darajasiga ko‘tardi va amaliy ishlarga kirishdi.
"Yangi O‘zbekistonda huquqbuzarlik va jinoyatchilikka qarshi kurash ana shunday umummilliy ahamiyatga molik vazifaga aylantirildi.
Aziz fuqarolar, Sizlarga huquqbuzarliklar va jinoyatlarning oldini olish bo‘yicha dastlabki, bajarilgan ishlar va tahlillar natijalari bo‘yicha axborot bermoqchiman.
Tumanimizda tinchlik-osoyishtalikni ta’minlash jinoyatlarning sabablarini "mahallabay", «xonadonbay» va "fuqarobay" muhokama qilish tartibi, mahallalarni kriminogen darajada tasniflash tizimi, "mahalla yettiligi" instituti, "ijtimoiy profilaktika" tamoyili asosida huquqbuzarliklar profilaktikasini amalga oshirish amaliyoti doirasida aholida xavfsizlik hissini shakllantirish borasida qator samarali chora-tadbirlar amalga oshirilmoqda.
O‘zbekiston Respublikasi Prezidentining 2026-yil 5 yanvar kungi PQ-1 sonli Qarori bilan har bir mahallada huquqbuzarlikning barvaqt oldini olish, kriminogen vaziyatni barqarorlashtirish bo‘yicha yangi mexanizm joriy etilib, mahallalarda "namunaviy xavfsiz ko‘cha" lar tashkil etilmoqda.
Mahallalarga o‘rnatilgan kameralar yordamida qidiruvdagilar va jinoyatlar "issiq izi" bilan ochilmoqda.
Tumanda kriminogen vaziyat og‘ir mahallalarning jinoyat o‘choqlari joyiga chiqib o‘rganilmoqda, masalan, tumanda jinoyatlarning sabablari tahlil qilinib, zarur chora-tadbirlar belgilanganligi natijasida tumanda umumiy jinoyatlar
6 tadan 6 taga barqarorligi ta’minlangan bo‘lsa, mahallada oldini olishi mumkin bo‘lgan jinoyatlar 3 tadan 2 taga (50 foiz)ga kamayishiga erishildi.
Natijada tuman hududida qasddan odam o‘ldirish, og‘ir tan jarohatini yetkazish, bosqinchilik, talonchilik, transport vositasini olib qochish va odam savdosi kabi jinoyatlarining sodir etilishiga yo‘l qo‘yilmadi.
Keyingi paytlarda ilgari duch kelmagan kiberjinoyatlar salmog‘ining ortishi jiddiy tashkiliy choralar ko‘rishni taqozo etmoqda.
Joriy yilning yanvar oyi davomida sodir etilgan umumiy jinoyatlarning 16,6 foizini axborot texnologiyalari sohasidagi jinoyatlar tashkil etadi. So‘nggi yillarda bu toifadagi jinoyatlar, bir necha barobar ko‘paydi.
Kelgusida jinoyatlar qurboni bo‘lib qolmasligingiz uchun:
- firibgarlik bilan shug‘ullanuvchi shaxslarning internetdagi telegramm ijtimoiy tarmoqlari orqali “Rasmdagi senmi”, “videoni ochib kur”, “Sud Qarori”, “Tuyga taklifnoma” kabi APK fayl ilovalarini ochmang, onlayn tarzda pulingizni ko‘paytirib berish hamda nomingizga kredit rasmiylashtirib berish va’daliriga va boshqa hududlardan kelib har xil buyumlarni sotib yurgan shaxslarning aldoviga ishonmang;
- uyingizning eshik va derazalari mustahkamligiga e’tibor bering, ko‘chalarda, uyingiz atrofida mol mulkingizni, kerakli buyumlaringizni, ochiq maydonlarda va yo‘l bo‘ylarida chorva mollaringizni qarovsiz qoldirmang.
- avtomashina eshiklari va oynalarini ochiq holda qoldirmang, avtomashina ichida pul va boshqa qimmatbaho buyumlaringizni, shuningdek, avtomashina kalitlarini qoldirib transport vositasini olib qochish jinoyatining kelib chiqishiga yo‘l qo‘ymang;
Hurmatli tuman aholisi!
Yana bir bor alohida ta’kidlayman, jinoyatning har qanday ko‘rinishiga zudlik bilan munosabat bildirishga, jinoyat sodir etganlarga jazoning muqarrarligi ta’minlanishiga shaxsan kafolat beraman.
Barchamiz jinoyatdan xoli yangi O‘zbekiston uchun birlashaylik!!!
E’tiboringiz uchun rahmat.