Qoraqalpog'iston Respublikasi Kegeyli tumani hokimligi

Assalomu alaykum, hurmatli tumanimiz aholisi va hamkasblar!

Men, Dosbergenov Mayrambay Tangatarovichning, Kegeyli tumani tibbiyot birlashmasi boshlig‘i sifatida, O‘zbekiston Respublikasi Prezidenti Shavkat Mirziyoyevning 2025-yil 26-dekabr kuni Oliy Majlisga va O‘zbekiston xalqiga yo‘llagan Murojaatnomasida belgilab berilgan ustuvor vazifalar, xususan, korrupsiyaga qarshi kurashish masalalari bo‘yicha berilgan topshiriqlar ijrosini ta’minlashga o‘z jamoam bilan birgalikda namuna bo‘lib, korrupsiyaga qarshi barqaror bo‘lishga va’da beraman.

Davlatimiz rahbari ta’kidlaganidek, korrupsiya - davlat va jamiyat taraqqiyotiga jiddiy to‘siq bo‘lib, u xalqimizning adolatga, qonun ustuvorligiga va davlat idoralariga bo‘lgan ishonchiga putur yetkazadi. Ayniqsa, sog‘liqni saqlash tizimida korrupsiyaning har qanday ko‘rinishiga qat’iy yo‘l qo‘yib bo‘lmaydi, chunki bu soha bevosita inson hayoti va bolalarimiz salomatligi bilan bog‘liq.
 

So‘nggi yillarda mamlakatimizda, jumladan, sog‘liqni saqlash tizimida korrupsiyani bartaraf etish, ochiqlikni ta’minlash borasida tizimli ishlar amalga oshirilmoqda. Jumladan, 2025 yil 21 apreldagi 147-sonli Prezident qarori bilan tasdiqlangan "Korrupsiyadan xoli 5 soha" dasturi doirasida sog‘liqni saqlash tizimini korrupsiyadan xoli soha sifatida shakllantirish vazifasi qo‘yildi.

Biz, Kegeyli tumani tibbiyot birlashmasi jamoasi, ushbu vazifalarning bajarilishini ta’minlash maqsadida quyidagi amaliy ishlarni izchil olib bormoqdamiz:

1. Raqamlashtirish ishlari.

✅ Barcha ambulator va statsionar murojaatlar DMED tizimi orqali yuritilmoqda;

✅ Maslahat poliklinikasida elektron navbat tizimi joriy etilgan;

✅ Yuqori texnologik diagnostika va davolash uchun elektron order tizimi amalda;

✅ Elektron retsept tizimi joriy etishning yakuniy bosqichida.

2. Tibbiy sug‘urta tizimi asosida xizmatlarni tashkil etish.

3. Korrupsiya holatlari bo‘yicha murojaat qilish uchun ishonch telefonlari faoliyati yo‘lga qo‘yilgan.

Markazning barcha bo‘limlarida korrupsiyaga qarshi targ‘ibot materiallari joylashtirilgan.

5. Bemorlar va ularning yaqinlari fikrini o‘rganish uchun anonim so‘rovlar muntazam o‘tkazilmoqda.

6. Statsionar bemorlar 80 foizgacha dori-darmon bilan bepul ta’minlanmoqda.

7. Har bir bo‘limda bepul mavjud dori-darmonlar ro‘yxati muntazam ravishda yangilab borilmoqda.

Shu bilan birga, men rahbar sifatida:
 

✅ korrupsiyaning har qanday ko‘rinishiga mutlaqo murosasiz munosabatda bo‘lishimni;

✅ xizmat darajasidan shaxsiy manfaat yo‘lida foydalanishga yo‘l qo‘ymasligimni;

✅muassasada ochiqlik-oydinlik va adolat tamoyillarini qat’iy ta’minlashimni;

✅ barcha xodimlardan qonunlarga qat’iy amal qilishni talab etaman.

Har bir xodim shuni anglab yetishi kerakki, korrupsiyaga qarshi kurashish - nafaqat rahbarning, balki barchamizning vijdoniy va fuqarolik burchimizdir. Halollik va mas’uliyat bizning kundalik faoliyatimizning asosiy mezoni bo‘lishi shart.

Hurmatli fuqarolar!

Agar, Tibbiyot birlashmamizda korrupsiya bilan bog‘liq holatlarga duch kelsangiz, befarq bo‘lmang va quyidagi ishonch telefonlariga murojaat qiling:

Meditsina birlashmasi

✅ ishonch raqami: (61) 412 14 50

➤Kegeyli tumani tibbiyot birlashmasi boshlig‘i 97 508 75 87

Biz korrupsiyaga qarshi birgalikda kurashamiz!

Korrupsiyasiz tizim - sifatli tibbiy xizmat va aholi ishonchi garovi.