Bosh vazir o‘rinbosari Kegeyli tumanida bo‘ldi
2025-10-26 13:45:00 / Yangiliklar
Bugun O‘zbekiston Respublikasi Bosh vazirining o‘rinbosari - Oila va xotin-qizlar qo‘mitasi raisi Z.Mahkamova va Qoraqalpog‘iston Respublikasi Vazirlar Kengashi raisining o‘rinbosari M.Ahmedova Kegeyli tumanida bo‘ldi.
Tashrif davomida ularga tuman hokimi A.Kamalov va tuman Oila va xotin-qizlar bo‘limi boshlig‘i G.Xo‘jambergenova hamrohlik qildi.
Dastlab mutasaddilar Qumshungil OFY hududida tashkil etilgan 5 gektar maydonda ko‘chat yetishtirish loyihasi bilan tanishdi. Mazkur loyiha xotin-qizlar bandligini ta’minlash va ularning daromad manbaini yaratishga qaratilgan bo‘lib, bugungi kunda 25 nafar xotin-qiz ish bilan ta’minlanadi.
Tashrif doirasida loyihaning amalga oshirilishi, uning keyingi bosqichlari hamda xotin-qizlar bandligini yanada kengaytirish bo‘yicha vazifalar belgilab olindi.