Qoraqalpog’iston Respublikasi Vazirlar Kengashi Raisining navbatdagi sayyor qabuli To’rtko’l tumanida tashkil etildi
2025-06-27 17:15:00 / Yangiliklar
Bugun Vazirlar Kengashining Raisi Farhod Ermanov To‘rtko‘l tumani "Nurota" OFYda navbatdagi sayyor qabul bo’lib o’tdi. Qabul davomida hududda yashovchi fuqarolarning murojaatlari tinglandi va ularni joyida hal etish choralari ko‘rildi.
Sayyor qabul davomida fuqarolar tomonidan ko‘tarilgan ijtimoiy-iqtisodiy masalalar, xususan, kadastr masalalari, uy-joy bilan ta’minlash, bandlik, yo‘l va infratuzilma bilan bog‘liq muammolar atroflicha ko‘rib chiqildi. Har bir murojaat alohida tartibda ko‘rib chiqilib, tegishli tashkilot va mutasaddi rahbarlarga aniq topshiriqlar berildi.
Qabul davomida Vazirlar Kengashining Raisi murojaat qilgan fuqarolar bilan ochiq muloqot olib bordi hamda masalalarning hal etilishi yuzasidan qat’iy nazorat o‘rnatilishini ta’kidladi.