Bugun Qoraqalpog’iston Respublikasi Vazirlar Kengashi Raisining o’rinbosari, Oila va xotin-qizlar qo‘mitasi raisi M.Ahmedova o‘zining shaxsiy qabulini o‘tkazdi.
2025-06-04 11:30:00 / Yangiliklar
Qabulda mutasaddi tashkilotlar vakillari hamda tegishli soha mas’ullari ishtirok etdi. Qabul davomida fuqarolar tomonidan ko‘tarilgan masalalar atroflicha o‘rganilib, har bir murojaat yuzasidan joyida huquqiy va amaliy yordam ko‘rsatildi.
Qabul davomida asosan bandlik, ijtimoiy yordam, sog‘liqni saqlash, uy-joy bilan ta’minlash, tadbirkorlikni rivojlantirish va ta’lim masalalari bo‘yicha murojaatlar bildirildi. Ko‘plab muammolar joyida hal etildi, ayrim murojaatlar bo‘yicha esa tegishli tashkilotlarga topshiriqlar berilib, ijrosi nazoratga olindi.
Shuningdek qabul davomida davlatimiz tomonidan ayollarni qo‘llab-quvvatlash bo‘yicha olib borilayotgan islohotlar, mavjud imtiyoz va imkoniyatlar haqida batafsil ma’lumotlar berildi. Shuningdek, turli ijtimoiy loyihalarda ishtirok etish, hunarmandchilik va oilaviy tadbirkorlikni yo‘lga qo‘yish bo‘yicha tavsiyalar berildi.