Qoraqalpog‘istonlik yoshlar va OAV vakillari "Media-klub" platformasi imkoniyatlari bilan tanishtirildi
2025-06-04 09:55:00 / Media tadbirlar
AOKA Raqamli savodxonlik va media ta’limni rivojlantirish bo‘limi mas’ullari Tohir Umarov va Rauf Sodiqovlarning Xorazm viloyatidan keyingi manzili (https://t.me/aoka_uz/13155) Nukus shahri bo‘ldi.
Yoshlar bilan uchrashuv hamda ommaviy axborot vositalari va media mutasaddilari uchun o‘tkazilgan seminar-treningda axborot iste’moliga nisbatan tanqidiy fikrlashni rivojlantirish, auditoriya bilan ishlash, ishonchli resurslarni ajratish, feyk xabarlar va dezinformatsiyalar tarqalishiga yo‘l qo‘ymaslik va boshqa dolzarb masalalar bo‘yicha taqdimotlar bo‘lib o‘tdi.
Shuningdek, "Zamonaviy jurnalistikani rivojlantirish markazi" NNT mutasaddilari treningda qiziqarli savol-javoblar, o‘yinlar bilan ishtirokchilarning media savodxonligini oshirishga xizmat qildi.
Eslatib o‘tamiz, AOKA va "Zamonaviy jurnalistikani rivojlantirish markazi" NNT bilan qo‘shma uchrashuv va treninglar respublika bo‘ylab o‘tkazilishi ko‘zda tutilgan.