Isroil davlatining O‘zbekistondagi favqulodda va muxtor elchisi Gideon Lustis Qoraqalpog‘iston Respublikasi Vazirlar Kengashining Raisi Farhod Ermanov bilan uchrashdi. Uchrashuv davomida o‘zaro hamkorlikni yanada rivojlantirish, savdo-iqtisodiy aloqalarni kuchaytirish va turli sohalardagi hamkorlik masalalari muhokama qilindi. Shuningdek, ijtimoiy-iqtisodiy, ishlab chiqarish va qishloq xo‘jaligi sohalarida aloqalarni rivojlantirish, ekologik muammolarga birgalikda kurashish masalalari yuzasidan fikr almashildi. Ilm-fan, ta’lim, turizm salohiyatidan yanada kengroq foydalanish qishloq xo‘jaligini rivojlantirishda ikki mamlakat soha xodimlari o‘rtasida tajriba almashish va yaqin aloqalar o‘rnatish muhimligi alohida ta’kidlandi.