Qoraqalpog'iston Rеspublikаsi Vаzirlаr Kеngаshi

Aholi murojaatlari e’tiborda: Ellikqal’a tumanida navbatdagi fuqarolar qabuli o‘tkazildi

Bugun Qoraqalpog‘iston Respublikasi Vazirlar Kengashining Raisi Farxod Ermanov tomonidan Ellikqal’a tumanida navbatdagi fuqarolar qabuli bo‘lib o‘tdi. Unda fuqarolarning murojaatlari tinglanib, ularni qiynayotgan masalalarni hal etish yuzasidan tegishli choralar belgilandi.

Qabul davomida asosan bandlikni ta’minlash, tibbiy yordam olish, kadastr masalalarini hal etish hamda ichki yo‘llarni yaxshilash va boshqa ijtimoiy masalalar bilan bog‘liq murojaatlar bildirildi. Har bir murojaatga mas’ullar ishtirokida alohida e’tibor qaratilib, fuqarolarga amaliy ko‘mak ko‘rsatish, masalalarni qonunchilik doirasida ijobiy hal etish bo‘yicha tegishli vazifalar belgilandi.

Xususan, ish izlayotgan fuqarolarni munosib bandlik bilan ta’minlash, tibbiy yordamga muhtoj aholining murojaatlarini o‘rganish, kadastr bilan bog‘liq masalalarni tartibga solish hamda ichki yo‘llarning holatini yaxshilash bo‘yicha mutasaddi tashkilotlarga tegishli topshiriqlar berildi.

Fuqarolar bilan bevosita muloqotda ularning muammolarini tinglash va har bir murojaat ortida turgan masalaga amaliy yechim topish masalalariga alohida e’tibor qaratildi. Bunday qabullar aholi murojaatlarini joyida o‘rganish, mavjud muammolarni aniqlash va ularni tezkor hamda samarali hal etishning muhim mexanizmi sifatida xizmat qilmoqda.