Yangi talabalar turar joyi - yoshlar uchun yaratilayotgan imkoniyatlarning yana bir ifodasi
2026-08-25 18:10:00 / Yangiliklar
Unda universitet professor-o‘qituvchilari, xodimlar, ommaviy axborot vositalari vakillari va keng jamoatchilik vakillari ishtirok etdi.
Tadbirda ta'kidlanganidek, so‘nggi yillarda Prezidentimiz rahnamoligida barcha sohalar qatori ta'lim tizimini rivojlantirish, yoshlarning zamonaviy bilim va kasb-hunar egallashi uchun munosib sharoitlar yaratishga alohida e’tibor qaratilmoqda.
Berdaq nomidagi Qoraqalpoq davlat universitetida foydalanishga topshirilgan yangi talabalar turar joyi ham ana shunday ezgu va bunyodkorlik ishlarining amaliy ifodasidir. Zamonaviy arxitektura va qurilish standartlari asosida bunyod etilgan ushbu majmua jami 500 talabani joylashtirish imkoniyatiga ega.
Yotoqxonada talabalarning qulay va xavfsiz yashashi, ta'lim olishi va bo‘sh vaqtini mazmunli o‘tkazishi uchun barcha zarur sharoitlar yaratilgan. Xonalar, maishiy va sanitariya sharoitlari bilan bir qatorda, yoshlarning dam olishi, erkin shug'ullanishi va bo‘sh vaqtini samarali tashkil etishga xizmat qiladigan qulayliklar ham ko‘zda tutilgan.
Tadbir yakunida ishtirokchilar yangi qurilgan talabalar turar joyini ko‘zdan kechirib, unda yaratilgan sharoitlar bilan yaqindan tanishdi.