Har bir murojaat e'tiborda: Vazirlar Kengashining Raisi fuqarolar bilan ochiq muloqot o'tkazdi
2026-07-27 09:20:00 / Yangiliklar
Qabul davomida fuqarolar tomonidan bandlikni ta’minlash, kadastr hujjatlarini rasmiylashtirish, qishloq xo‘jaligi sohasidagi muammolar, uy-joy bilan bog‘liq masalalar hamda boshqa ijtimoiy ahamiyatga ega murojaatlar bildirildi.
Har bir murojaat atroflicha ko‘rib chiqilib, tegishli vazirlik va idoralar rahbarlarining ishtirokida muhokama qilindi. Joyida hal etilishi mumkin bo‘lgan masalalar yuzasidan amaliy yechimlar belgilandi, qo‘shimcha o‘rganishni talab qiladigan murojaatlar esa mas’ul tashkilotlarga ijrosi yuzasidan aniq topshiriqlar berilib, nazoratga olindi.
Fuqarolarning murojaatlarini o‘z vaqtida va sifatli hal etish, ularning huquq hamda qonuniy manfaatlarini ta’minlash davlat organlari faoliyatining ustuvor yo‘nalishlaridan biri bo‘lib qolmoqda. Shu maqsadda bunday ochiq qabullar muntazam ravishda tashkil etilib, aholini o‘ylantirayotgan muammolarni bartaraf etish bo‘yicha tizimli ishlar izchil davom ettirilmoqda.