Qorao‘zakda xalq bilan ochiq muloqot: Fuqarolar muammolariga joyida yechim izlandi
2026-06-27 17:00:00 / Yangiliklar
Samimiy va ochiq ruhda o‘tgan qabul davomida 15 nafar fuqaro o‘zlarining shaxsiy va ijtimoiy masalalari bilan murojaat qildi. Murojaatlarning tub mohiyati ijtimoiy himoya, bandlikni ta’minlash, ichki yo’llarni ta’mirlash, kadastr, tibbiy yordam olish va boshqa masalalar bo’yicha murojaatlar bildirildi.
E’tiborlisi, har bir murojaat shunchaki qayd etib qo‘yilmasdan, mutasaddilar ishtirokida atroflicha tahlil qilindi. Ko‘tarilgan muammolarning salmoqli qismi joyida hal etilgan bo‘lsa, chuqur o‘rganish va vaqt talab qiladigan masalalar yuzasidan tegishli idora rahbarlariga aniq muddatli topshiriqlar yuklatildi.
Xalq bilan muloqot — shunchaki rasmiy tadbir yoki hisobot uchun raqamlar emas, balki insonlar taqdiriga daxldorlik namunasidir. Qorao‘zak tumanida o‘tgan ushbu qabul nafaqat fuqarolarning muammolarini yengillashtirishga, balki ularning davlatga va adolatga bo‘lgan ishonchini yanada mustahkamlashga xizmat qildi. Zero, eng oliy maqsad — har bir fuqaroning hayotidan rozi bo‘lib yashashiga erishishdir.