Nukus shahar hokimligida sunʼiy intellektga asoslangan “Aqlli qabulxona” loyihasi ishga tushirildi
2026-06-09 17:15:00 / Yangiliklar
Nukus shahar hokimligida sunʼiy intellektga asoslangan “Aqlli qabulxona” loyihasi ishga tushirildi
Qoraqalpogʻiston Respublikasida raqamli transformatsiyani rivojlantirish doirasida ilk bor Nukus shahar hokimligida sunʼiy intellekt negizida ishlovchi “Aqlli qabulxona” yordamchi platformasi faoliyati yoʻlga qoʻyildi.
Ushbu innovatsion platforma aholi bilan toʻgʻridan-toʻgʻri muloqotni jadallashtirish hamda murojaatlar bilan ishlash tizimini raqamlashtirishga xizmat qiladi. Endilikda fuqarolar shahar hokimi va uning oʻrinbosarlariga oʻz arizalarini ham yozma, ham ogʻzaki (ovozli) shaklda yuborishlari mumkin. Sunʼiy intellekt tizimi kelib tushgan murojaatlarni avtomatik ravishda qayta ishlaydi va ijro uchun masʼul mutasaddilarga yoʻnaltiradi.
Mazkur loyihaning joriy etilishi shahar boshqaruvida shaffoflikni taʼminlash va aholi muammolarini tezkor hal etishda muhim qadam boʻldi.