Samarqand shahrida Global ekologik jamg'armasining (GEF) 8-assambleyasi doirasida BMTning Oziq-ovqat va qishloq xo‘jaligi tashkiloti (FAO) vakillari hamda Qoraqalpog'iston Respublikasi Vazirlar Kengashi delegatsiyasi o‘rtasida istiqbolli loyihalar muhokam
2026-06-08 09:35:00 / Yangiliklar
Samarqand shahrida Qoraqalpog'iston Respublikasi Vazirlar Kengashi Raisining o‘rinbosari V. Jollыbekov boshchiligidagi Qoraqalpog'iston delegatsiyasi, O‘zbekiston Respublikasi Ekologiya va iqlim o‘zgarishi milliy qo‘mitasi raisining o‘rinbosari J. Kazbekov hamda BMTning Oziq-ovqat va qishloq xo‘jaligi tashkilotining (FAO) Er va suv resurslari bo‘limi direktori Li Lifen va FAOning O‘zbekistondagi vakili o‘rinbosari Sh. Umarov o‘rtasida rasmiy uchrashuv bo‘lib o‘tdi.
Uchrashuvda asosiy e’tibor Orol dengiziga kollektor-drenaj suvlarini yo‘naltirish va hududda suv resurslarini barqaror boshqarish loyihasiga qaratilib, ushbu tashabbus yuzasidan batafsil muzokaralar olib borildi.
Muzokaralar davomida ushbu istiqbolli loyiha doirasidagi kelgusi amaliy qadamlar va hamkorlik yo‘nalishlari belgilab olindi. Xususan, loyihaning moliyaviy va texnik mexanizmlarini yanada aniqlashtirish maqsadida Yashil iqlim jamg'armasi (GCF), FAO tashkiloti hamda Qoraqalpog'iston Respublikasi Vazirlar Kengashi vakillari ishtirokida uch tomonlama uchrashuv tashkil etish va muhokamalarni davom ettirish bo‘yicha kelishuvga erishildi.