Qonunchilik hujjatlarining mazmun-mohiyatini targ‘ib etishga qaratilgan “Hokimlik soatlari” tadbiri o‘tkazildi
2026-05-21 11:35:00 / Yangiliklar
Qoraqalpog‘iston Respublikasi Vazirlar Kengashi tomonidan navbatdagi “Hokimlik soatlari” tadbiri tashkil etildi. Unda Vazirlar Kengashining bosh yuriskonsulti P.Mangitov tomonidan jamiyat va davlat hayoti uchun muhim аhаmiyat kasb etuvchi qonunchilik hujjatlarining mazmun-mohiyati, ularning amaliy ahamiyati hamda ijrosini ta’minlash masalalari yuzasidan tushuntirish ishlari olib borildi.
Tadbir davomida mavzular asosan Qoraqalpog‘iston Respublikasini ijtimoiy-iqtisodiy rivojlantirish bo‘yicha Prezidentimizning 2026-yil qabul qilingan farmon va qarorlar to‘g‘risida bo‘ldi.
Tadbir yakunida ishtirokchilar tomonidan bildirilgan savol va takliflar tinglanib, ularning har biriga tegishli mutaxassislar tomonidan batafsil javoblar berildi. Shuningdek, hududlarda amalga oshirilayotgan islohotlar va istiqboldagi vazifalar yuzasidan zarur ma’lumotlar taqdim etildi.