Kegeyli tumani “Iyshan-qala” OFY hududida Qoraqalpog‘iston Respublikasi Vazirlar Kengashining Raisi F.Ermanov rahbarligida navbatdagi sayyor qabul tashkil etildi.
2026-04-29 09:40:00 / Yangiliklar
Ushbu sayyor qabuldan ko‘zlangan asosiy maqsad - xalq bilan ochiq muloqot qilish, ularni qiynayotgan muammolarni joyiga chiqqan holda o‘rganish va yechim topishdan iborat. Qabulda fuqarolarning murojaatlari bevosita tinglanib, har bir masala alohida e’tibor bilan ko‘rib chiqildi.
Qabul davomida aholidan asosan ichki yo‘llarni ta’mirlash va holatini yaxshilash, ichimlik suvi ta’minotini barqarorlashtirish, kadastr hujjatlarini rasmiylashtirishda yuzaga kelayotgan muammolar, shuningdek, tomorqa yerlarini sug‘orish uchun suv ta’minoti masalalari bo‘yicha murojaatlar kelib tushdi.
Ko‘tarilgan har bir masala respublika miqyosidagi tegishli tashkilot va idoralar rahbarlari ishtirokida o‘rganildi. Ayrim murojaatlar joyida ijobiy hal etildi, qo‘shimcha o‘rganishni talab qiladigan masalalar esa mutasaddilarga biriktirilib, aniq muddat belgilandi.