Mo‘ynoqda muammolar tinglandi — yechimlar topildi!
2026-03-17 10:15:00 / Yangiliklar
Mo‘ynoq tumanida Qoraqalpog‘iston Respublikasi Vazirlar Kengashi Raisining o‘rinbosari A.Allaniyazov tomonidan sayyor qabul o‘tkazildi.
Qabulda 20 ga yaqin fuqarolar ishtirok etib, o‘zlarini qiziqtirgan qator masalalar bilan murojaat qildilar. Xususan mahallalardagi ko‘chalarga tungi yoritgichlar o‘rnatish, sug‘orish tizimida yashil energiya manbalaridan foydalanish, tadbirkorlikni rivojlantirish hamda uy oldi tomorqalarda issiqxonalar tashkil etish uchun imtiyozli kredit ajratish masalalari ko‘tarildi.
Murojaatlarning deyarli barchasi joyida hal etildi. Turar joy bilan bog‘liq, qo‘shimcha o‘rganish talab qiladigan murojaatlar esa mas’ullar tomonidan qat’iy nazoratga olindi. Bunday ochiq muloqotlar xalq va davlat o‘rtasidagi ishonchni yanada mustahkamlab, hududlarni rivojlantirishga xizmat qilmoqda.