Korrupsiyaga qarshi kurashish va komplayens nazorat tizimini takomillashtirish masalalari muhokama qilindi
2026-03-06 19:20:00 / Yangiliklar
Mazkur yig‘ilishda Vazirlar Kengashi va tegishli tashkilotlar xodimlari bilan bir qatorda vazirlik va idoralarning komplayens nazorat xizmati vakillari hamda fuqarolik jamiyati institutlari vakillari ham ishtirok etdi.
Yig‘ilish davomida korrupsiyaga qarshi kurashish bo‘yicha olib borilayotgan ishlar, mavjud muammolar hamda ularni bartaraf etish yuzasidan ko‘rilayotgan choralar muhokama qilindi. Shuningdek, tashkilot va idoralarda joriy etilgan komplayens nazorat xizmatlari faoliyatini yanada takomillashtirish, ularning samaradorligini oshirish hamda ochiqlik va shaffoflikni ta’minlash masalalariga alohida e’tibor qaratildi.
Shuningdek, yaxshi natijalarga erishib kelayotgan komplayens nazorat xizmati vakillari o‘z tajribalari bilan o‘rtoqlashib, korrupsiyaning oldini olishga qaratilgan samarali amaliyotlar hamda takliflarini bildirib o‘tdi.
Yig‘ilish yakunida mas’ul rahbarlarga korrupsiyaning oldini olishga qaratilgan chora-tadbirlarni tizimli ravishda amalga oshirish, tasdiqlangan ish rejalarining o‘z vaqtida va sifatli bajarilishini ta’minlash yuzasidan tegishli topshiriqlar berildi.