Universitetda ilmiy-tadqiqot va innovatsion faoliyatni rivojlantirish masalalariga bag‘ishlangan ochiq muloqot o‘tkazildi
2026-02-23 10:55:00 / Media tadbirlar
Mazkur tadbir doirasida Ilmiy ishlar va innovatsiyalar bo‘yicha prorektor M.Artiqbaev hamda tegishli bo‘lim mudiri B.Ibodullaevlar tomonidan universitetda olib borilayotgan ilmiy izlanishlar, innovatsion loyihalar, amaliy tadqiqotlarning natijalari, istiqboldagi rejalar hamda mavjud muammolar yuzasidan batafsil ma’lumotlar berildi. Shuningdek, ilmiy faoliyat samaradorligini oshirish, yosh olimlarni qo‘llab-quvvatlash, grant loyihalarida faol ishtirok etish va ilm-fan natijalarini amaliyotga joriy etish bo‘yicha amalga oshirilayotgan ishlar alohida ta’kidlandi.
Ochiq muloqot jarayonida ishtirokchilar tomonidan bildirilgan taklif va mulohazalar tinglanib, mavjud muammolar yuzasidan savol-javoblar o‘tkazildi hamda ularni bartaraf etish bo‘yicha aniq vazifalar belgilab olindi.
Tadbirda ommaviy axborot vositalari vakillari, professor-o‘qituvchilar, ilmiy xodimlar faol ishtirok etib, ilmiy faoliyatni yanada rivojlantirish borasidagi fikr va tashabbuslarini bildirdilar.
Mazkur ochiq muloqot universitetda ilm-fan va innovatsiyalarni rivojlantirish, ilmiy hamkorlikni kengaytirish hamda kelgusidagi ustuvor yo‘nalishlarni belgilashda muhim ahamiyat kasb etdi.