Qo‘ng‘irotlik yosh sportchi motokross musobaqasida sovrinli o‘rinni egalladi
2026-02-23 10:15:00 / Yangiliklar
O‘zbekiston Respublikasi mudofaasiga ko‘maklashuvchi Vatanparvar tashkilotining Qo‘ng‘irot tumani o‘quv sport-texnika markazi sportchilari Surxondaryo viloyati Jarqo‘rg‘on tumanida o‘tkazilgan O‘zbekiston chempionati birinchiligi motokross musobaqasining birinchi bosqichida ishtirok etdi.
Musobaqa davomida sportchilar balandlik va notekis yo‘llarda tezlik, muvozanat hamda chidamlilik bo‘yicha o‘zaro bellashib, tomoshabinlarga hayajonli poygalarni namoyish etdi.
Mazkur musobaqada Qoraqalpog‘iston Respublikasi nomidan qatnashgan qo‘ng‘irotlik sportchi Quralbayev Erlan faxrli 3-o‘rinni egallab, diplom hamda esdalik sovg‘alari bilan taqdirlandi.