Jamoatchilik kengashi 2025-yil faoliyatini sarhisob qildi va 2026-yil ish rejasini tasdiqladi.
2026-02-19 18:00:00 / Yangiliklar
✅Yig'ilishda Jamoatchilik kengashining 2025-yilda amalga oshirilgan ishlar yuzasidan axborot berildi. Qayd etilganidek, Kengash 15 nafar a'zodan iborat bo‘lib, ularning 9 nafari fuqarolik jamiyati institutlari vakillaridir. Bu esa jamoatchilik nazoratini kuchaytirish va davlat organlari faoliyatida ochiqlikni ta'minlashga xizmat qilmoqda.
Kengash komissiya raisi R.Aybergenov o‘z so‘zida O‘zbekiston Respublikasi Prezidentining 2025-yil 30 yanvardagi PF-16-son Farmoni — “O‘zbekiston–2030” strategiyasini “Atrof muhitni asrash va «yashil iqtisodiyot» yili”da amalga oshirishga oid davlat dasturi ijrosi doirasida jamoatchilik monitoringlari o‘tkazilganini ta'kidladi. Monitoringlar natijasida tegishli takliflar kiritildi.
Shuningdek, 2025 yil davomida Jamoatchilik kengashining bir qator yig'ilishlari o‘tkazilib, davlat organlari faoliyatining ochiqligi, aholi murojaatlari bilan ishlash samaradorligi va NNTlar bilan hamkorlikni kengaytirish masalalari muhokama qilindi.
🗣 Muhokama jarayonida ishtirokchilar tomonidan 2026 yilda quyidagi ustuvor vazifalarni amalga oshirish taklif etildi:
— jamoatchilik monitoringini tuman va shahar darajasida tizimli yo‘lga qo‘yish;
— davlat organlarining ochiqlik indeksini joriy etish;
— NNTlar ishtirokini kuchaytirish orqali korruptsiyaga qarshi jamoatchilik nazoratini mustahkamlash.
📌 Yig'ilish yakunida:
— Jamoatchilik kengashining 2025 yildagi faoliyati qoniqarli deb topildi;
— 2026 yilga mo‘ljallangan ish rejasi tasdiqlandi;
— vazirlik va idoralar huzuridagi jamoatchilik kengashlari faoliyatini muvofiqlashtirish va uslubiy ko‘mak berish choralari belgilab olindi;
— har chorak yakuni bo‘yicha amalga oshirilgan ishlar jamoatchilikka e’lon qilib borilishi belgilandi.
❇️Jamoatchilik nazoratini kuchaytirish va ochiqlikni ta'minlash yo‘lidagi ishlar izchil davom ettiriladi.