Hududni ijtimoiy-iqtisodiy jihatdan rivojlantirish masalalari muhokama qilindi
2026-01-29 09:45:00 / Yangiliklar
Bugun Qoraqalpog’iston Respublikasi Vazirlar Kengashining Raisi Farxod Ermanov Fransiya taraqqiyot agentligi (FTA)ning Toshkentdagi vakolatxonasi direktori Olivier Grandvoinet boshchiligidagi delegatsiya a’zolari bilan uchrashdi.
Uchrashuv davomida Respublikamizning ijtimoiy-iqtisodiy salohiyatini yanada oshirish, qurilish sohasini rivojlantirish, zamonaviy infratuzilma obyektlarini barpo etish, turizm yo‘nalishida mavjud imkoniyatlardan samarali foydalanish hamda yangi investitsiya loyihalarini hayotga tatbiq etish masalalari atroflicha muhokama qilindi.
Uchrashuv yakunida tomonlar o‘zaro hamkorlikni yanada mustahkamlash, aniq loyihalar bo‘yicha kelishuvlarga erishish hamda investitsiya tashabbuslarini bosqichma-bosqich amalga oshirish yuzasidan kelishib oldilar.