Qoraqalpog‘istonda fuqarolar uchun xorijda ish imkoniyatlari kengaymoqda
2026-01-28 10:05:00 / Yangiliklar
Yarmarkada rivojlangan xorijiy mamlakatlardagi yuqori daromadli bo‘sh ish o‘rinlari taqdim etilib, ishtirokchilarga ish sharoitlari, mehnat haqi, yashash va ijtimoiy kafolatlar haqida batafsil ma’lumotlar berildi.
Tadbir Qoraqalpogʻiston Respublikasi Joʻqorgʻi Kengesi, O‘zbekiston Respublikasi Vazirlar Mahkamasi huzuridagi Migratsiya agentligi, Qoraqalpog‘iston Respublikasi Kambag‘allikni qisqartirish va bandlik vazirligi hamda xususiy bandlik agentliklari hamkorligida tashkil etildi.
Shuningdek, yarmarka doirasida Qoraqalpog‘iston Respublikasi hududidagi mavjud bo‘sh ish o‘rinlari ham taqdim etilib, o‘z yurtida ishlashni istagan fuqarolar uchun ham imkoniyatlar yaratildi.
Ishtirokchilar xorijda ishlash tartibi, hujjatlarni rasmiylashtirish va til o‘rganish masalalari bo‘yicha mutaxassislardan maslahatlar oldilar.