Mo‘ynoq ko‘chasida kompleks ta’mirlash va yoritish ishlari davom etmoqda
2026-01-19 16:35:00 / Yangiliklar
Mo‘ynoq tumanida infratuzilmani rivojlantirish, aholining qulay va xavfsiz harakatlanishini ta’minlash maqsadida keng ko‘lamli bunyodkorlik ishlari amalga oshirilmoqda. Xususan, Muhtaram Prezidentimizning 4889-son qarori asosida Mo‘ynoq ko‘chasi bo‘ylab zamonaviy talablarga javob beradigan piyodalar yo‘lakchasi qurilishi jadal sur’atlarda olib borilmoqda. Shu bilan birga, ko‘cha hududida tungi yoritish tizimlarini o‘rnatish ishlari ham izchil davom ettirilmoqda.
Qayd etish joizki, 2025-yil davomida Mo‘ynoq ko‘chasida yo‘l infratuzilmasini tubdan yaxshilashga qaratilgan ishlar to‘liq yakunlanib, ko‘cha bo‘ylab sifatli qora qoplamali asfalt yotqizish ishlari muvaffaqiyatli bajarildi. Mazkur ishlar natijasida ko‘chaning harakatlanish qulayligi va ko‘rinishi sezilarli darajada yaxshilandi.
Amalga oshirilayotgan ushbu loyihalar Mo‘ynoq tumanining zamonaviy qiyofasini shakllantirish, aholi turmush darajasini oshirish hamda hududni yanada obod va fayzli maskanga aylantirishga xizmat qilmoqda.