Investorlar bilan istiqbolli loyihalar yuzasidan uchrashuv bo‘lib o‘tdi
2025-12-27 17:00:00 / Yangiliklar
Hududda investitsiya muhitini yanada yaxshilash hamda innovatsion texnologiyalarni joriy etish maqsadida Xitoy Xalq Respublikasidan tashrif buyurgan investorlar bilan uchrashuv bo‘lib o‘tdi.
Uchrashuv davomida yashil energiya ishlab chiqarish, yuqori samarali energiya saqlash tizimlarini joriy etish hamda yangi avlod hisoblash markazi — Data Centre barpo etish bo‘yicha istiqbolli loyihalarni amalga oshirish masalalari atroflicha muhokama qilindi. Tomonlar mazkur yo‘nalishlarning iqtisodiy samaradorligi, texnik imkoniyatlari va hududning mavjud infratuzilmasi bilan uyg‘unligi yuzasidan fikr almashdilar.
Shuningdek, loyihalarni amalga oshirish jarayonida investorlarga yaratiladigan qulay shart-sharoitlar, imtiyozlar hamda davlat tomonidan ko‘rsatiladigan qo‘llab-quvvatlash mexanizmlari yuzasidan batafsil ma’lumotlar berildi. Xitoylik investorlar hududning investitsiyaviy salohiyati va yashil iqtisodiyot yo‘nalishida olib borilayotgan islohotlarga yuqori baho berdilar.
Uchrashuv yakunida tomonlar o‘zaro hamkorlikni yanada rivojlantirish, kelgusida aniq loyihalar bo‘yicha muzokaralarni davom ettirish hamda tegishli takliflar ishlab chiqish bo‘yicha kelishuvga erishdilar.