Yangi yil bayrami munosabati bilan bolalarga Prezident sovg‘alari topshirildi
2025-12-25 17:40:00 / Yangiliklar
Tadbirda Qoraqalpog’iston Respublikasi Vazirlar Kengashining Raisi F.Ermanov ishtirok etdi va bolalarni yangi yil bayrami bilan samimiy tabriklab, Prezidentimizning sovg‘alarini tantanali ravishda topshirdi.
Bayram tadbirida bolalarning quvonchi, ularning kelajagiga bo‘lgan ishonchini mustahkamlash, mehr-oqibat va e’tibor muhitini yaratish muhimligi alohida ta’kidlandi. Prezidentimizning doimiy e’tibori va g‘amxo‘rligi natijasida bolalar manfaatlarini himoya qilish, ularning ta’lim-tarbiyasi va sog‘lom kamoloti uchun keng imkoniyatlar yaratilayotgani qayd etildi.
Tadbir davomida bolalar uchun badiiy chiqishlar namoyish etildi, bayramona dasturlar tashkil qilindi. Mazkur tadbir Yangi yil bayramini ko‘tarinki ruhda kutib olish, bolalarning qalbida ezgulik va ishonch tuyg‘ularini yanada mustahkamlashga xizmat qildi.