Qoraqalpog'iston Rеspublikаsi Vаzirlаr Kеngаshi

Bugungi kunda professional ta’lim tashkilotlari faoliyatini samarali tashkil etish, kadrlar tayyorlash sifatini oshirish va mehnat bozorining real ehtiyojlariga mos mutaxassislarni tayyorlash dolzarb masalalardan biri bo‘lib qolmoqda. Uchrashuvda kasbiy ta’limida o‘quv jarayoni sifati, moddiy-texnik bazaning holati, zamonaviy o‘quv-metodik ta’minot darajasi, amaliy mashg‘ulotlarning ishlab chiqarish talablari bilan to‘liq uyg‘unlashtirilmagani, bitiruvchilar bandligini ta’minlash borasida tizimli yondashuv yetishmayotgani hamda ish beruvchilar bilan hamkorlik masalalari tanqidiy tahlil qilindi.

Shuningdek, ish beruvchilar bilan hamkorlikni kuchaytirish, dual ta’lim mexanizmlarini keng joriy etish, pedagog kadrlarning malakasini muntazam oshirish hamda ta’lim mazmunini zamonaviy texnologiyalar asosida yangilash zarurligi alohida ta’kidlandi.

Yig‘ilish yakunida mas’ullarga aniqlangan kamchiliklarni bartaraf etish, har bir ta’lim muassasasi faoliyatini chuqur tahlil qilish hamda aniq natijaga yo‘naltirilgan chora-tadbirlar rejasini ishlab chiqish bo‘yicha topshiriqlar berildi. Ta’kidlanganidek, kasbiy ta’lim tizimida sifat va samaradorlikni oshirish kechiktirib bo‘lmaydigan vazifa bo‘lib, bu borada barcha darajadagi rahbarlar shaxsiy mas’uliyatni chuqur his etgan holda manzilli chora-tadbirlarni amalga oshirish ustuvor vazifa etib belgilandi.