Fuqarolar murojaatlari eshitildi va tegishli chora-tadbirlar belgilandi
2025-12-17 16:45:00 / Yangiliklar
Bugun Qoraqalpog’iston Respublikasi Vazirlar Kengashi Raisining o’rinbosari, Oila va xotin-qizlar qo‘mitasi raisi M.Axmedova o‘zining shaxsiy qabulini o‘tkazdi.
Unda turli hududlardan kelgan fuqarolarning ijtimoiy, iqtisodiy va huquqiy masalalarga oid murojaatlari tinglandi.
Qabul davomida aholi tomonidan ko‘tarilgan bandlik, uy-joy, ta’lim, sog‘liqni saqlash, hamda ijtimoiy qo‘llab-quvvatlashga oid masalalar alohida ko‘rib chiqildi. Har bir murojaat bo‘yicha mas’ul tashkilot rahbarlariga topshiriqlar berildi va ijrosini qat’iy nazoratga olish belgilandi.
Ta’kidlash joizki, bunday qabullar fuqarolarning dardu tashvishlarini tinglab, ularning hayotiy muammolariga amaliy yordam ko‘rsatishda muhim ahamiyat kasb etmoqda. Shuningdek, ochiq muloqot orqali xalq va davlat o‘rtasidagi hamkorlikni mustahkamlashga xizmat qilmoqda.