Nukus shahrida yangi sport inshootlari foydalanishga topshirildi
2025-12-13 10:40:00 / Yangiliklar
O‘zbekiston Respublikasi Prezidentining 2023-yil 25-dekabrdagi "2024-2026 yillarda Ijtimoiy ishlab chiqarish infratuzilmasini rivojlantirish chora-tadbirlari to‘g‘risida"gi PQ-404-sonli qarori bilan tasdiqlangan Nukus Olimpiya va paralimpiya sport turlariga tayyorlash markazida yangi qurilgan sport zali, Oshxona va rekonstruksiyadan chiqqan yotoqxonalarning ochilish marosimi bo‘lib o‘tdi.
Unda Qoraqalpog‘iston Respublikasi Vazirlar Kengashi Raisining o‘rinbosari Bayram O‘temuratov, Qoraqalpog‘iston Respublikasi Sport vaziri Erkinbay Qutibayev va sport faxriylari, keng jamoatchilik vakillari ishtirok etib, sportchilarimizni yangidan foydalanishga topshirilayotgan sport zalining ochilishi bilan tabriklab, bu maskanlarda Osiyo, Jahon va Olimpiya chempionlari yetishib chiqishiga tilak bildirdi.