Qoraqalpog'iston Rеspublikаsi Vаzirlаr Kеngаshi

Tadbirda Qoraqalpog’iston Respublikasi Vazirlar Kengashining Korrupsiyaga qarshi ichki nazorat bo‘limi boshlig‘i B.Matmuratov, shuningdek, sohaga aloqador mutaxassislar, OAV vakillari ishtirok etdi. Tadbirning asosiy maqsadi davlat organlari faoliyatining ochiqligi, ularning jamoatchilik va fuqarolar oldida hisobdorligini ta’minlash, xodimlarga korrupsiyaga qarshi kurashishda murosasiz pozitsiyada bo‘lish, halollikni kasbiy faoliyatning asosiy mezoni sifatida ko‘rish zarurligi, zamonaviy korrupsiyaga qarshi kurashish mexanizmlarini amaliyotga tatbiq etishdan iborat bo‘ldi. 

Tadbir davomida ishtirokchilarga korrupsiyaga qarshi kurashish bo‘yicha belgilangan ustuvor yo‘nalishlar, davlat organlarida halollik standartlarini joriy etish, ichki nazorat mexanizmlarini takomillashtirish hamda ochiq ma’lumotlar bilan ishlash jarayonlari bo‘yicha soha mutaxassislari tomonidan batafsil ma’lumotlar berildi.

“Ochiq eshiklar kuni” xodimlar o‘rtasida korrupsiyaga nisbatan murosasiz munosabatni kuchaytirish, halollik muhitini mustahkamlash va profilaktik choralarni yanada samarali tashkil etishga xizmat qildi. Tadbirda ishtirok etganlar o’zlarini qiziqtirgan savollariga ma’sullar tomonidan javoblar olishdi.