Qo‘ng‘irot tumanida aholi murojaatlari bo‘yicha navbatdagi sayyor qabul tashkil etildi
2025-12-04 11:00:00 / Yangiliklar
Qo‘ng‘irot tumani “Adabiyot” OFY hududidagi Maktabgacha va maktab ta’limi bo‘limiga qarashli 15-sonli umumta’lim maktabi binosida Qoraqalpog‘iston Respublikasi Vazirlar Kengashi Raisining qishloq va suv xo‘jaligi bo‘yicha o‘rinbosari, Qishloq xo‘jaligi vaziri Shuhrat Teshaevning sayyor qabuli bo‘lib o‘tdi.
Sayyor qabulda hudud aholisi, tuman tashkilotlari rahbarlari hamda sohaga oid mas’ullar ishtirok etdi. Unda fuqarolar tomonidan qishloq xo‘jaligi, ichimlik va sug‘orish suvi ta’minoti, bandlik, subsidiyalar, yer ajratish, ijtimoiy yordam masalalari bo‘yicha murojaatlar tinglandi.
Shuhrat Teshaev tomonidan har bir murojaat bo‘yicha mutasaddilarga aniq topshiriqlar berilib, ularning ijrosini belgilangan muddatlarda ta’minlash yuzasidan ko‘rsatmalar berildi. Qabul davomida ayrim masalalar joyida hal etilib, fuqarolarga huquqiy va amaliy yordam ko‘rsatildi.
Mazkur sayyor qabul aholi muammolarini o‘rganish, ularning ehtiyojlariga tezkor javob qaytarish va mavjud masalalarning manzilli hal etilishiga xizmat qildi.