Nukus shahrida yangidan “Kunduzgi parvarish” xizmati yo‘lga qo‘yildi
2025-11-26 10:35:00 / Yangiliklar
O‘zbekiston Respublikasi Prezidentining “Nogironligi bo‘lgan bolalarga ijtimoiy xizmat va yordam ko‘rsatish tizimini yanada takomillashtirish bo‘yicha qo‘shimcha chora-tadbirlar to‘g‘risida”gi qarori bilan, Nukus shahridagi maktabgacha ta’lim tashkilotida Prezident huzuridagi Ijtimoiy himoya milliy agentligi Qoraqalpog‘iston Respublikasi boshqarmasi tomonidan “Kunduzgi parvarish” xizmati yo‘lga qo‘yildi.
Yangi tashkil etilgan ushbu guruhga Boshqarma qoshida tashkil etilgan Psixologik-tibbiy-pedagogik komissiya tekshiruvidan o‘tkazilgan nogironligi bo‘lgan 7 nafar bola qamrab olindi.
Bu “Kambag‘allikdan farovonlik sari” dasturi ijrosini ta’minlash, ijtimoiy xizmat va yordam ko‘rsatish ko‘lamini kengaytirish orqali oilalarning mehnat qilish imkoniyatini cheklovchi sabablarni bartaraf etish va oila a’zolariga mehnat qilishiga sharoit yaratish, shuningdek, nogironligi bo‘lgan bolalarning oila qaramog‘ida qolishini ta’minlash maqsadida yangi tizim asosida amalga oshirilmoqda.