“Korrupsiyaga qarshi kurashish yo‘lida” nomli grant loyihasi doirasida ishlar amalga oshirildi.
2025-11-25 15:55:00 / Yangiliklar
Vazirlar Kengashining Jamoatchilik kengashi raisi hamda “Yuksalish” umummilliy harakatining Qoraqalpog‘iston Respublikasi hududiy bo‘linmasi Nukus shahri 4-sonli ixtisoslashtirilgan maktab-internatida O‘zbekiston Hakamlik sudlari assotsiatsiyasining Qoraqalpog'iston Respublikasi filiali tomonidan “Korrupsiyaga qarshi kurashish yo‘lida” nomli grant loyihasi doirasida ishlar amalga oshirildi.
Ushbu loyiha O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondining Qoraqalpog'iston Respublikasi hududiy bo‘limi tomonidan moliyalashtirildi.
Tadbirda nogironligi bo‘lgan shaxslarni o‘qitadigan o‘qituvchilarga “Korrupsiya nima va uning oqibatlari” mavzusida huquqiy ma'lumotlar berildi, shuningdek bunday holatlarda to‘g'ri harakat qilish, raqamli texnologiyalarni korrupsiyaga qarshi kurashda qo‘llash va korrupsiyaning oldini olishga qaratilgan amaliy tavsiyalar taqdim etildi. Tadbirda Nukus shahri 4-sonli ixtisoslashtirilgan maktab-internati o‘qituvchilari va OAV vakillari ishtirok etdi.