Kegeyli tumani "Obod" OFYda 105 ming AQSH dollari miqdoridagi grant mablag‘lari hisobida ichimlik suvi ta’minoti yaxshilandi.
2025-11-21 16:00:00 / Yangiliklar
BMT Taraqqiyot dasturi loyihasi doirasida mavjud suvni chuchuqlashtirish stansiyasi to‘liq modernizatsiya qilindi, 12 kub/soat quvvatga ega yangi EKOS tizimi o‘rnatildi va suv tarmoqlari barpo etildi. Loyihaning umumiy qiymati 105 ming AQSH dollarini tashkil etdi.
Ishga tushirilgan tizim hozirgi vaqtda "Altimshaq" posyolkasidagi 250 xonadonni, ya’ni 1 250 kishini toza ichimlik suvi bilan ta’minlamoqda. Obyekt tuman suv ta’minoti balansiga qabul qilinib, uylarga ulanish va keyingi xizmat ko‘rsatishga mas’ul bo‘ladi. Loyihaning amalga oshirilishi aholi turmush sharoitlarini sezilarli darajada yaxshilaydi va uzoq qishloq joylarda suv ta’minoti barqarorligini oshiradi.