Vazirlar Kengashi apparati xodimlari uchun davlat tilida ish yuritish va lotin alifbosi bo‘yicha o‘quv kursi tashkil etilmoqda.
2025-11-12 10:45:00 / Yangiliklar
Muassasa, tashkilot, korxona va birlashmalardagi ish faoliyatining rivojlanishiga muvofiq tashkil etishda, boshqaruv sohasida hujjatlarning o‘rni va ahamiyati alohida. Bugungi kunda hujjatlar matnini tuzish boshqaruv apparati faoliyatidagi eng mashaqqatli jarayon. Bu jarayonni oqilona olib bormay va samaradorligini oshirmay turib, boshqaruv madaniyatini rivojlantirish mumkin emas. Jamiyat hayotining barcha sohalarining jadal rivojlanishi boshqaruv madaniyati darajasiga bevosita bog‘liq. Shuning uchun ham davlat organlari xodimlari har qanday zarur axborotni rasmiy ish tilining tegishli shakllarida bemalol yetkaza olishi, ish yuritish ko‘nikmalarini puxta egallagan bo‘lishi zarur.Shundan kelib chiqib, O‘zbekiston Respublikasi Prezidentining 2025-yil 20-oktabrdagi «Davlat tilini yanada rivojlantirishga oid qo‘shimcha chora-tadbirlar to‘g‘risida»gi PQ-308-son Qarori ijrosini ta’minlash maqsadida Qoraqalpog‘iston Respublikasi Vazirlar Kengashining apparat xodimlaridan qoraqalpoq va o‘zbek tillarida diktant olindi.
Davlat tilida ish yuritish asoslarini o‘qitish va malaka oshirish markazining Qoraqalpog‘iston Respublikasi hududiy bo‘limi tomonidan Qoraqalpog‘iston Respublikasi Vazirlar Kengashi apparati xodimlari uchun davlat tilida ish yuritish va lotin alifbosi bo‘yicha 4 haftalik o‘quv kursi tashkil etilmoqda.