Kadastr agentligi direktori hamda Koreya Respublikasining O‘zbekistondagi Favqulodda va muxtor elchisi – janob Von Do Yon bilan uchrashuv bo‘lib o‘tdi.
2025-09-18 16:30:00 / Yangiliklar
Joriy yilning 18-sentyabr kuni Kadastr agentligi direktori Pulatov Farrux Jaxongirovich hamda Koreya Respublikasining O‘zbekistondagi Favqulodda va muxtor elchisi – janob Von Do Yon o‘rtasida yer va ko‘chmas mulk munosabatlari sohasidagi strategik hamkorlikni samarali davom ettirish yuzasidan uchrashuv bo‘lib o‘tdi.
Uchrashuv kun tartibidan Agentlik faoliyati, Koreya Respublikasi Yer, infratuzilma va transport vazirligi, Ichki ishlar va xavfsizlik vazirligi, Yer va fazoviy ma’lumotlarni axborotlashtirish (LX) korporatsiyasi bilan hamkorlikda amalga oshirilayotgan loyihalar muhokama qilindi.
Jumladan:
“O‘zbekistonda milliy geoaxborot tizimini yaratish”,Fazoviy ma’lumotlarni standartlashtirish, “O‘zbekistonda Milliy fazoviy axborot salohiyatini kompleks mustahkamlash tizimini tashkil etish” loyihalari geoaxborot tizimlari va fazoviy ma’lumot sohasini yangi sifat bosqichiga olib chiqishga munosib hissa qo’shayotgani qayd etildi.
Hamkorlikni yangi yo‘nalishlarini ochish va aloqalarni yangi bosqichga ko‘tarish maqsadida:
- Manzillar tizimini modernizatsiya qilish;
- Ko‘chmas mulkni ommaviy baholash yo‘nalishlarida hamkorlikni kengaytirish taklifi bildirildi.
Uchrashuv yakunida o‘zaro manfaatli sohalarda hamkorlikni mustahkamlash bo‘yicha keyingi qadamlar belgilandi.