MDH davlatlarining XLVII sessiyasi bo'lib o'tdi.
2025-09-16 10:00:00 / Yangiliklar
Kadastr agentligi direktori o'rinbosari T.Abdullayev boshchiligidagi delegatsiya Qirg‘iziston Respublikasi Yer resurslari, kadastr, geodeziya va kartografiya davlat agentligining taklifiga binoan MDH davlatlarining Geodeziya, kartografiya, kadastr va Yerni masofadan turib zondlash bo‘yicha davlatlararo kengashining XLVII sessiyasida ishtirok etdi.
Joriy yilning 11-12-sentyabr kunlari Qirg‘iziston Respublikasida bo'lib o'tgan MDH davlatlarining Geodeziya, kartografiya, kadastr va Yerni masofadan turib zondlash bo‘yicha davlatlararo kengashining XLVII(47) sessiyasi doirasida Agentlik delegatsiyasi hamkor davlatlar idoralari rahbarlari bilan uchrashuvlar o'tkazdi.
Yig'ilish kun tartibidan:
- Davlatlararo kengash kotibiyati va ishchi guruhlarining hisobot va taqdimotlari bilan tanishish;- geodeziya va kartografiya faoliyatidagi so'nggi tendensiyalar bilan tanishish;- sohada geofazoviy texnologiyalardan foydalanishda tajriba almashish;- mazkur yo'nalishda O'zbekistonda amalga oshirilgan islohotlar bilan ishtirokchilarni tanishtirish kabi masalalar o'rin oldi.