Kadastr agentligi tizimida xotin-qizlar masalalari e’tibor markazida
2025-07-09 17:40:00 / Yangiliklar
2025-yilning birinchi yarmida Kadastr agentligi tizimida xotin-qizlarni qo‘llab-quvvatlash, ularning ijtimoiy faolligini oshirish va salohiyatini ro‘yobga chiqarish bo‘yicha tizimli ishlar amalga oshirildi.
Agentlik tizimida faoliyat yuritayotgan xotin-qizlar uchun qulay mehnat sharoitlarini yaratish, ularni rag‘batlantirish va muammolarini o‘rganish maqsadida hududlarda sayyor qabullar, seminar-treninglar va ijtimoiy o‘rganishlar tashkil etildi.
“Ayolga ehtirom” haftaligi doirasida xotin-qizlar uchun madaniy-ma’naviy tadbirlar, sport musobaqalari va bayramlar uyushtirildi.
"Yashil makon" umumxalq loyihasi doirasida tizim xotin-qizlari tomonidan 822 tup mevali va manzarali daraxtlar ekilib, atrof-muhitni asrashga munosib hissa qo‘shildi.
Tashkilotlarda faoliyat yuritayotgan ayollar uchun masofaviy o‘quv kurslari tashkil etilib, ularning kasbiy malakasi oshirildi.
Moliya imkoniyatlaridan kelib chiqib, xotin-qizlarga moddiy rag‘bat, mukofot pullari, ustamalar va kontrakt to‘lovlari ko‘rinishida ko‘mak ko‘rsatildi.
Agentlik xotin-qizlarning jamiyatdagi o‘rni, salohiyati va mehnatini yuksak qadrlaydi. Ularning hayotdan rozi, oilaviy baxtli va kasbiy jihatdan faol bo‘lishi uchun barcha zarur shart-sharoitlar yaratishda davom etadi.