Qashqadaryoda "Ilmli ayol – jamiyat ko‘zgusi" mavzusida seminar va sayyor qabul o‘tkazildi
2025-05-21 16:30:00 / Yangiliklar
Kadastr agentligi hamda Davlat kadastrlari palatasining Qashqadaryo viloyati boshqarmasi, tuman va shahar filiallarida faoliyat yuritayotgan xotin-qizlar ishtirokida Shahrisabz tumanining Miraki shaharchasida ma’naviy-ma’rifiy yo‘nalishda muhim tadbir bo‘lib o‘tdi.
Tadbirda Agentlik va Palataning Oila va xotin-qizlar masalalari bo‘yicha boshlang‘ich tashkilot rahbarlari, tajribali shifokor va psixologlar ishtirok etdi.
Ma’ruzalar quyidagi yo‘nalishlarda o‘tkazildi:
- Ayollarning ma’naviy-ma’rifiy bilimini oshirish
- Sog‘lom turmush tarzini shakllantirish
- Sharqona tarbiya an’analari
- Xizmat madaniyati va internetdan to‘g‘ri foydalanish
Tadbir davomida viktorinalar, savol-javoblar tashkil etildi. Faol qatnashgan ishtirokchilarga “Tashakkurnoma” hamda esdalik sovg‘alari topshirildi.
Mazmunli va ko‘tarinki ruhda o‘tgan ushbu uchrashuv xotin-qizlarning faolligini qo‘llab-quvvatlash va ularni rag‘batlantirishga xizmat qildi.