Fuqarolar mulk huquqlarini e’tirof etish yo‘lida muhim qadamlar tashlanmoqda!
2025-04-21 11:15:00 / Yangiliklar
Xorazm viloyatida fuqarolarning ko‘p yillardan buyon foydalanib kelayotgan, ammo huquqiy jihatdan rasmiylashtirilmagan uy-joylariga nisbatan adolatli yechimlar topilmoqda.
Jumladan, bugungi kunga kelib, Xorazm viloyatining 8 ta tumanida jami 41 ta holatda fuqarolarga tegishli bo‘lgan uy-joylar bo‘yicha vakolatli idoralar tomonidan “kadastr.uz” elektron platformasi orqali ijobiy xulosalar berildi.
Quyidagi tumanlar kesimida holatlar quyidagicha taqsimlangan:
Bog‘ot tumani – 6 ta
Gurlan tumani – 2 ta
Qo‘shko‘pir tumani – 5 ta
Shovot tumani – 3 ta
Tuproqqalʼa tumani – 1 ta
Hazorasp tumani – 13 ta
Xiva tumani – 1 ta
Yangibozor tumani – 10 ta
Ushbu holatlar bo‘yicha fuqarolarga yer uchastkalariga bo‘lgan ijara huquqi, shuningdek unda qurilgan bino va inshootlarga nisbatan mulk huquqini e’tirof etish bo‘yicha hujjatlar tayyorlanib, xalq deputatlari Xorazm viloyat kengashida qaror qabul qilish uchun kiritildi va maqullandi.
Bu kabi huquqiy yondashuvlar fuqarolarning real hayotdagi ehtiyojlarini inobatga olgan holda, ularning ko‘p yillik mehnati bilan barpo etgan uy-joylarini qonuniy asosda mustahkamlab olishlariga imkon yaratadi.
Jarayon “Kadastr.uz” platformasi orqali ochiq va shaffof tarzda amalga oshirilib, aholining huquqiy ongini oshirish, mavjud muammolarga tizimli yechim topish yo‘lida muhim bosqich hisoblanadi.
Mazkur jarayon yuzasidan qo‘shimcha ma’lumotlar bilan tez orada yana bo‘lishamiz.