TIZIM TASHKILOTLARI FAOLIYATIDAN XABARLAR
2025-04-16 17:00:00 / Yangiliklar
O‘zbekiston Respublikasi Vazirlar Mahkamasining 299-sonli qarori hamda Respublika aerogeodeziya markazi direktorining 2025-yil 7-apreldagi topshiriqlari ijrosini ta’minlash maqsadida Surxondaryo hududlararo bo‘linmasi tomonidan “Ustoz-shogird” an’anasi asosida o‘quv seminari tashkil etildi.
Seminarda malakali mutaxassislar ishtirokida tuman (shahar)larning ma’muriy-hududiy chegaralarini belgilash, yer resurslarini xatlovdan o‘tkazish jarayonlariga oid talablar va huquqiy-me’yoriy hujjatlar yuzasidan batafsil tushuntirishlar berildi. Shuningdek, amaliy ishlar davomida uchrayotgan xatoliklar va kamchiliklarni bartaraf etish bo‘yicha muhim tavsiyalar taqdim etildi.
Bundan tashqari, Qoraqalpog‘iston Respublikasi bo‘linmasi tomonidan Chimboy tumanida ish sifati va xodimlar masʼuliyatini oshirish, kelgusida xatolarning oldini olish maqsadida tajribali mutaxassislar ishtirokida maxsus seminar o‘tkazildi.
Bu kabi seminarlar soha vakillari malakasini oshirish, sifatlilikni ta’minlash va tizimli ishlashga xizmat qilmoqda.