Kadastr agenligida “Milliy qadriyatlarga asoslangan davlat xizmati” loyihasi doirasida seminar-trening
2026-08-18 16:50:00 / Yangiliklar
Kadastr agentligida “Milliy qadriyatlarga asoslangan davlat xizmati” loyihasi doirasida seminar-trening
18-avgust kuni Kadastr agentligining markaziy binosida davlat xizmatchilari uchun “Milliy qadriyatlarga asoslangan davlat xizmati” loyihasi doirasida seminar-trening o‘tkazildi.
Tadbirni Agentlik direktorining o‘rinbosari Alisher Xafizov kirish so‘zi bilan ochib berdi.
Seminar davomida davlat xizmatida milliy va umuminsoniy qadriyatlar, halollik, adolat, mas’uliyat, insonparvarlik, shuningdek, fuqarolar bilan ochiq va hurmatga asoslangan muloqotning ahamiyati haqida fikr almashildi.Tadbirda Alisher Yunusov, Lola Inagamova va Charos Tursunova ishtirok etib, mavzu yuzasidan ma’ruza va amaliy mashg‘ulotlar olib bordilar.
Interaktiv muloqot va amaliy mashg‘ulotlar orqali davlat xizmatchisining kasbiy kompetensiyasi bilan bir qatorda ma’naviy-axloqiy fazilatlari va muomala madaniyati ham samarali davlat xizmatining muhim mezoni ekani ta’kidlandi.
Tadbir yakunida ishtirokchilar o‘z fikr va takliflarini bildirib, fuqarolar bilan ishlash madaniyatini yuksaltirish va aholiga sifatli davlat xizmatlarini ko‘rsatish masalalari yuzasidan fikr almashdilar.