Tizimda ko‘p kvartirali uylarni shakllantirish jarayonlari quyidagicha kechadi:
2026-06-02 11:40:00 / Yangiliklar
Tizimda ko‘p kvartirali uylarni shakllantirish jarayonlari quyidagicha kechadi:
Qurilish ishlari yakunlangandan so‘ng my.gov.uz portali yoki Davlat xizmatlari markazlari orqali ariza taqdim etiladi. Arizalar avtomatik tarzda UZKAD tizimiga yuboriladi.
Bunda, ko‘p kvartirali uy joylashgan yer uchastkasi UZKAD axborot tizimida davlat ro‘yxatidan o‘tmagan bo‘lsa, ariza berish imkoniyatini cheklaydi.
O‘z navbatida, avval ko‘p kvartirali uy joylashgan yer uchastkasini UZKAD axborot tizimi orqali davlat ro‘yxatidan o‘tkazilishi lozim bo‘ladi.
Shuningdek, quyidagi holatlarda ariza rad etiladi:
davlat ro‘yxatidan o‘tkazilgan yer uchastkasidan tashqarida qurilmalar (zaxvat mavjud bo‘lsa) mavjud bo‘lsa;
ko‘p kvartirali uyning tasdiqlangan qavatlar rejasi bo‘yicha loyihasi va loyiha osti hujjatlari mavjud bo‘lmasa;
ko‘p kvartirali uy bo‘lmagan boshqa toifadagi birinchi qavati noturar, ikkinchi qavati turar joy bo‘lgan obyektlar bo‘lsa;
tasdiqlangan loyiha hujjatlaridan chetlashgan holda qo‘shimcha qavatlar va kvartiralar qurilgan bo‘lsa ariza rad etiladi. Bundan ko‘rinib turibdiki, ko‘p qavatli uylarni tizimga kiritishda qurilish tartib taomillariga qat’iy rioya qilinishi nazoratga olinadi.
Axad Nasriddinov – Davlat kadastrlari palatasi boshqarma boshlig'i