Kadastr inspektorlari — ko‘pincha ko‘zga tashlanmaydigan, biroq jamiyat hayotida muhim o‘rin tutadigan mas’uliyatli kasb egalaridir.

Ular xizmat faoliyati davomida turli munosabatlarga duch keladi. Xonadonlarga kirib borish, yer uchastkalari va obyektlarni o‘rganish, mavjud holatni huquqiy jihatdan baholash yuqori malaka bilan birga sabr-toqat talab etadi.

Yer va kadastr nazorati tadbirlari jarayonida qabul qilinayotgan har bir qaror ortida inson manfaatlari, mulkiy huquqlar hamda kelajak uchun muhim asoslar mujassam. Shu bois aniqlik, xolislik va qonuniylik ular faoliyatining ustuvor tamoyilidir.