Kadastr agentligi hamda Davlat kadastrlari palatasining Namangan viloyati boshqarmalari rahbariyati tomonidan Namangan davlat texnika universiteti Qurilish fakultetida talabalar bilan ochiq va samimiy uchrashuv o‘tkazildi.
2026-03-12 14:45:00 / Yangiliklar
Kadastr agentligi hamda Davlat kadastrlari palatasining Namangan viloyati boshqarmalari rahbariyati tomonidan Namangan davlat texnika universiteti Qurilish fakultetida talabalar bilan ochiq va samimiy uchrashuv o‘tkazildi. Unda 110 nafardan ortiq talaba ishtirok etdi.
Mazkur tadbir 24-fevral kuni Davlat rahbari tomonidan yoshlar bilan o‘tkazilgan ochiq muloqotda belgilangan vazifalar ijrosini ta’minlash hamda haftaning payshanba kunini “Rahbar va yoshlar uchrashuvi kuni” sifatida samarali tashkil etish maqsadida tashkil etildi.
Uchrashuv davomida yoshlarga kadastr sohasida yaratilayotgan imkoniyatlar, zamonaviy texnologiyalar asosida ishlash, amaliy tajriba orttirish hamda kelajakda malakali mutaxassis bo‘lib yetishish uchun yaratilgan shart-sharoitlar haqida ma’lumot berildi. Shuningdek, yer resurslarini oqilona boshqarish va hududiy rivojlanishni rejalashtirishda kadastr tizimining ahamiyati haqida tushuntirishlar berildi.
Savol-javob jarayonida talabalar o‘zlarini qiziqtirgan masalalar yuzasidan mutaxassislardan batafsil javoblar oldilar. Faol ishtirok etgan talabalar esdalik sovg‘alari bilan taqdirlandi.
Mazkur uchrashuv ta’lim va amaliyot o‘rtasidagi hamkorlikni mustahkamlash hamda kadastr tizimi uchun malakali kadrlar tayyorlashga xizmat qilishi bilan ham ahamiyatli bo‘ldi.