Yer nazorati: qonun buzilishi - javobgarlikka sabab!
2026-02-20 14:50:00 / Yangiliklar
Yer nazorati: qonun buzilishi - javobgarlikka sabab!
Kadastr agentligi Kosonsoy tuman bo‘limi inspektorlari tomonidan olib borilgan yer va kadastr nazorati tadbirlari davomida fuqaro I.A. tomonidan 5 000 kv.m ekin yerni talon-toroj qilib, qishloq xo‘jaligi muomalasidan chiqarishiga sabab bo‘lgan noqonuniy qurilishlar amalga oshirilgani aniqlandi.
Tuman bo‘limi inspektorlarining o‘rganishlari jarayonida “Gurmiron” MFY, “Namuna” massivi, “Tuyato‘ydi” mavzesi hududidagi qishloq xo‘jaligi xaritasining 100-konturida joylashgan mazkur yer maydonida o‘zboshimchalik bilan “turar-joy” binolari qurilishi boshlab yuborilgani ma’lum bo‘ldi.
Mazkur holat yuzasidan tegishli tartibda hujjatlar rasmiylashtirildi va Fuqarolik ishlari bo'yicha tuman sudi tomonidan noqonuniy qurilgan binolarni majburiy tartibda bartaraf etish hamda yer maydoni qishloq xo‘jaligi muomalasiga qaytarish to‘g‘risida tegishli qaror qabul qilindi.
Ta’kidlash joizki, yer uchastkalaridan foydalanishda qonun hujjatlari talablariga qat’iy rioya etilishi, yer toifasiga muvofiq foydalanish hamda qurilish ishlari faqat tegishli ruxsatnomalar asosida amalga oshirilishi lozim.
Eslatma:
O‘zbekiston Respublikasining 2024-yil 5-avgustdagi O‘RQ-937-sonli Qonuniga muvofiq, 2018-yil 1-mayga qadar yakka tartibda uy-joy qurish orqali o‘zboshimchalik bilan egallangan yer uchastkalari va ularda barpo etilgan bino-inshootlarga bo‘lgan huquqlar belgilangan tartibda e’tirof etiladi.