Sirdaryo viloyati, Guliston tumanida sug‘oriladigan yer maydonidan noqonuniy foydalanish holati aniqlandi
2026-02-05 15:30:00 / Yangiliklar
Kadastr agentligining Guliston tuman bo‘limi tomonidan Sirdaryo tajriba hududida o‘tkazilgan nazorat tadbirlari davomida yer maydonidan maqsadsiz foydalanish holati aniqlandi.
Aniqlanishicha, Guliston tumanning "Sirdaryo tajriba" hududida sug‘oriladigan ekin yer maydonidan fuqaroga Guliston tuman hokimning 2018 yil 05-iyundagi tegishli qaroriga asosan qishloq xo‘jaligi xaritasining 34q-konturidan jami 0,10 gektar yer maydoni issiqxona qurish uchun ajratilgan.
O‘tkazilgan o‘rganishlar va joyiga chiqib ko‘zdan kechirish ishlari natijasida 34q-konturda joylashgan jami 0,10 gektar sug‘oriladigan ekin yer maydonida belgilangan maqsadga zid ravishda o‘zboshimchalik bilan turar-joy va bostirma qurib olish holati aniqlandi.
Mutaxassislar tomonidan yer maydonining holati, foydalanish tartibi va huquqiy asoslari batafsil o‘rganilib, aniqlangan qonunbuzilish holati yuzasidan tegishli hujjatlar rasmiylashtirildi.
Amaldagi qonunchilikka muvofiq, sug‘oriladigan yerlar alohida muhofaza qilinadigan yer toifasiga kiradi. Ushbu turdagi yer maydonlaridan belgilangan maqsadga zid ravishda foydalanish hamda tuproq unumdorligiga salbiy ta’sir ko‘rsatuvchi faoliyat bilan shug‘ullanish taqiqlanadi.
Kadastr organlari tomonidan yerlardan oqilona va maqsadli foydalanish ustidan nazorat tadbirlari tizimli ravishda davom ettirilmoqda.
Mazkur holat yuzasidan to‘plangan materiallar belgilangan tartibda prokuratura organlariga yuborildi.
#Kadastr_agentligi #yer_nazorati